CEBU CITY-Sikop ang usa ka senior citizen nga gitoohang leader sa New People’s Army o NPA pinaagi sa warrante of arrest nga gi-serve sa Cebu Provincial Police Office (CPPO) sa balay niini sa usa ka subdivision sa Barangay Kasambagan, Cebu City.
Giila ang nasikop nga si Eduardo Sacamay, 63 anyos.
Matud ni PSI Alejandro Batobalonos, sa CPPO nga duha ka semana kini nila nga gimonitor. Nasayran nga napriso si Sacamay niadtong tuig 2008 sa 28 ka kaso ug usa na niini ang murder, arson ug homicide apan na downgrade kini sa Simple rebellion hayan nakagawas kini niadtong 2014.
Duha ka warrant of arrest sa kasong murder ang gisilbi batok kang Sacamay kung diin ang usa ka gikan sa Bohol ug ang usa gikan sa Toledo City Cebu.
Samtang gihimakak usab ni Eduardo ang giingong pasangil kaniya.Matud pa niya nga tiguwang na siya og wala siyay gihimo nga dautan.
Dili matud pa siya miyembro sa NPA inay usa ka grupo sa mga mag-uuma ang iyang gi-apilan nga gitawag og YOFO.
Gihimug-atan pa niini nga loyal siya ni Presidente Rodrigo Duterte hayan sa dihang nakagawas siya matud pa mitabang kini sa pagpangampanya niadtong nakalabay nga election.
