Senior citizen patay na nga nakaplagan sa kalibunan luyo sa usa ka tunghaan sa Medellin

CEBU CITY-Patay na nga nakit-an ang lawas sa giila nga si Wilson Tobas 61 anyos nga taga Brgy Poblacion sa dakbayan sa Medellin niadtong Biyernes, Nobyembre 10.

Nailhan si Tobas sa iyahang anak nga nasayud sa sinina ug short niini.

Gibutyag nga usa ka magtutudlo sa Medellin Central School ang mireklamo sa isog nga baho samtang kini nagklase, ug sa pagsusi didto nakit-an ang lawas nga anaa sa state of decomposition.

Matud pa sa anak nga gi-paak ang iyahang amahan sa usa ka iro ug wala kini nagpatambal usa ka bulan na ang nakalabay.

Samtang, gikatakda nga mo-agi og autopsy ang patay nga lawas sa aron masayran ang tinuod nga hinungdan sa kamatayon sa naasoy nga biktima.