CEBU – Iapud-apod karong Disyembre 12-14, 2022 ang ikaduhang hugna sa financial assistance alang sa mga kwalipikadong senior citizens sa Mandaue City nga nagkantidad og P4,000.
Kini ang gibutyag ni Mandaue City Councilor Jimmy Lumapas, kinsa maoy chairman sa committee on social services sa City Council.
Matud ni Lumapas nga ang physical cash payouts anaa sa sulod sa mga barangay gym sa dakbayan ug ang uban makadawat niini pinaagi sa cash card pinaagi sa LandBank automated teller machines.
Apan ang pag-apod-apod alang sa mga tigulang nga naghigda sa higdaanan himuon gihapon sa balay-balay.
Hinungdan nga gipahimangnoan ang mga tigulang nga residente nga makadawat sa tabang pinaagi sa cash payout kinahanglan magdala usa ka balido nga ID, kauban ang ID sa ilang senior citizen.
