KENYA — Nakahukom ang Speaker sa usa ka regional assembly sa Kenya nga isuspenso kadali ang debate gumikan sa nagkainit nga hisgutanan nga gipakapinan og pagpangutot.
Nasayran nga mahitungod sa mga tindahan sa palengke ang gilalisan sa mga magbabalaud sa Homa Bay County.
Ang magbabalaud nga si Julius Gaya mao ang mitawag og atensyon sa ilang Speaker aron ipahibalo nga adunay nangutot sa sulod.
Apan kalit nga nalain ang huyop sa hangin gumikan kay siya na hinuon ang gipasanginlan nga giingong nangutot.
Hugot usab nga gihimakak sa maoang magbabalaud ang maong pasangil ug matud pa niya nga dili niya kini kayang buhaton atubangan sa iyang mga kauban.
Aron mokalma ug mawala kung unsa man ang naa sa sulod sa kapunungan, gimanduan ni Speaker Edwin Kakach ang iyang mga kauban nga mogawas una ug magpahangin.
Gimanduan usab ni Kakach nga pabutngan og air freshener ang kapunungan aron dili na mokatap ang baho sa maong utot.
Ug nagpadayon ang mainiton nga debate human nga nawala na ang baho sa kapunungan.
