CEBU CITY-Sikop ang usa ka lalaki nga maghatud unta og pagkaon sulod sa Mandaue City Jail human madiskubre nga ang dala niini nga saging cardava adunay gisuksok nga shabu.
Giila ang suspect nga si Rodulfo Velandre, 26 anyos, residente sa Brgy. Ermita, Cebu City apan lumad nga taga Bohol.
Basi sa imbestigasyon nga, nahibulong ang mga jail guards nga nag-hiling sa dalang pagkaon sa suspect gumikan kay aduna na’y hiniwaan ang mga saging.Hinungdan nga ila kining gi-ayo pagsusi ug nasuta nga dunay gisuksik nga 5 ka pakete sa shabu.
Hugot usab nga gihimakak ni Velandre nga nalambigit kini sa iligal nga aktibidad. Sigon pa nga wala siya’y kasayuran gumikan kay gitunol lamang kaniya ang maong mga cardava nga saging ug gisugo kini nga ipsulod sa naasoy jail facility ug ang bugti niini, tagaan siya og 300 pesos.
Narekober sa maong mga saging ang 26 gramos nga gitoohang shabu nga mubalor og 160,000 pesos.
Samtang padayon ang imbestigasyon sa PNP kung unsa ug kinsa ang source sa naasoy nga mga shabu.
