Gikoronahan nga NBA 2024-2025 Regular Season Most Valuable Player (MVP) si Oklahoma City Thunder guard Shai Gilgeous-Alexander.
Gianunsyo sa NBA ang desisyon human sa unang conference finals appearance ni Shai diin ang iyang team maoy midominar sa duwa batok sa Minnesota Timberwolves.
Sa pahibalo sa NBA, ang maayong performance ni Shai sa tibuok season kay maoy gisusi diin nakaposte siya og MVP level performance, nga adunay 32.7 points per game nga ang iyang unang scoring title sa NBA.
Tungod sa impresibong scoring niini, nalakip si Shai kang Michael Jordan isip mga players sa kasaysayan sa NBA nga nakaiskor og labaw sa 30 puntos nga adunay 50% shooting percentage.
Gawas sa shooting performance, si Shai makahimo sab og lima ka rebounds, lima ka assists, .5 blocks, ug usa ka assist sa matag duwa sa tibuok season.
Nahimong emosyonal ang Thunder guard human gianunsyo ang una niyang MVP award.
Sa iyang mensahe, ang bag-ong MVP nagpasalamat sa iyang asawa, kinsa matod niya usa sa mga hinungdan nga nakaabot siya sa kasamtangang lebel sa pagdula og professional basketball.
Pinaagi sa iyang asawa, matod niya, nakat-onan niya ang tinuod nga bili sa sakripisyo sa kinabuhi ug sa natad sa sports.
