Gipaambit ni “Megastar” Sharon Cuneta nga bag-o lang siya gipailalom sa usa ka medical procedure sa iyang spine sa Singapore human sa kapin duha ka tuig nga pag-antos sa grabeng kasakit.
Sa usa ka post sa Instagram niadtong Marso 12, gipaambit sa beteranang singer-actress nga ang iyang pagbiyahe sa Singapore tungod sa medical reasons. Sumala niya, dugay na siyang nagpa-ilalom sa pain management tungod sa kasakit sa iyang tuo nga bat-ang ug bitiis.
Dugang niya nga ang findings nagpakita usab nga siya adunay problema sa iyang liog nga kinahanglan nga matambalan, busa kinahanglan siyang mobalik sa Singapore sa umaabot nga mga buwan.
Nangayo usab og pasaylo si Sharon sa iyang mga tigpaluyo ug mga kauban tungod sa wala niya pagtambong sa finals sa iyang entertainment show, diin siya usa sa mga hurado.
