CEBU CITY-Patay ang inilang sharp shooter ug multi-awrded police officer nga kanhi escort ni Cebu City Mayor Tomas Osmeña nga si SPO2 Adonis Dumpit sa usa ka encounter sa may Dagohoy Circumferencial Road,Brgy. San Isidro dakbayan sa Tagbilaran probinsya sa Bohol pasado alas 8 kaganihang buntag.
Basi sa imbestigasyon,usa ka joint operation sa NBI-Bohol ug Regional Intelligence Division (RID) ang gipahigayon batok kang Dumpit nga giigong usa ka High Value Level Drug Pusher ug drug protector.
Magdeliver unta matud si Dumpit sa gitawag nga “stocks” sa dihang gipahigayon ang drug operation apan matud pa nga misukol kini hinungdan nga miresulta sa shoot-out hinungdan nga napatay ang naasoy nga pulis.
Nag-umol na usab og Investigation Task Force ang provincial offices ug CIDG nga maoy mututok sa imbestigasyon.Nahimong kontrobersiyal ang pangalan ni Dumpit sa Cebu sa dihang gitoohan nga kini mao ang nagpaluyo sa mga vigilante killings kaniadto.
Siya usab ang gikuhang police escort ni Cebu City Mayor Tomas Osmeña.Apan niadtong tuig 2014 na-convict si Dumpit sa kasong homicide human napusilan patay niini ang 17 anyos nga suspect sa pagpangawat ug napriso kini sa Leyte Regional Prison sa Abuyog, Leyte.
Tuig 2016 usab sa dihang nag-grant sa korte ang iyang petition para makapiyansa ug nasayran nga si Mayor Osmeña ang nagbayad sa iyang bail sa kantidad nga 250,000 ug siya usab mismo ang mikuha niini sa prisohan.
Samtang, niadtong buwan sa Hunyo na-assigned si Dumpit sa Camp Dagohoy, dakbayan sa tagbiliranan probinsya sa Bohol.
Nakatakda untang mu-retiro ang 55 anyod nga si Dumpit karong buwan sa Nobyembre.
