Cebu City-Gisugyot sa PNP nga duna na usab signal jamming atol sa kasaulugan sa pista sa balaang bata.
Kini ang gibutyag ni Konsehal Dave Tumulak kinsang usa sa mga nangulo sa pagbantay sa seguridad sa nagsingabot nga dako nga kalihukan subay na usab sa panagpulong nila sa PNP.
Gisiguro matud pa nila ang tanan nga sayo nga ma-andam ilabina ang mga daily activities. Sama sa gibuhat sa mi-aging tuig kinahanglan nga karon palang daan magparehistro na ang mga vendor sa DWUP (Division for the Welfare of the Urban Poor ) para matagaan na og mga ID ug ma-assign sila kung asa sila dapit maninda.
Color coded ang ID nga ipatuman karong Sinulog 2019 hayan kinahanglan nga magparehistro na.Duna usab kausaban karong tuiga sa pamaagi sa novena sa Basilica Minore Del Sto. Niño kung diin imbis nga hilingon ang mga bag sa entrance dool sa pultahan sa simbahan, ipalayo na kini pipila ka metros para human mahiling diri-diritso na ang mga manulod sa simbahan.
Gipahimangnu-an usab sa konsehal ang mga manimbahay nga dili lang magdala og mga dagkong bag para dili madugay sa paghiling.
Gawas niini, “as is” ra gihapon ang mga polisiya sa nakalabay nga tuig ug sa karon.
