TALISAY CITY, CEBU-Hugot nga gilimod sa kaliwat ni Emerina Entis Barias, ang biktima o gipatay ni Janel Paraiso ang pasangil ni Janel nga si Juram o ang anak niini ang nagsugo sa pagpatay sa Biktima.
Kini ang gitataw ni Franklin Entis, Igsoon ni Emerina, ug gidugang niini nga wala tarung nga anak ang maka-ako sa pagpapatay sa iyahang kaugalingong Inahan.
Apan, aduna siyay gitudlong silingan nga maoy ilahang gidudahan nga maoy nagpapatay sa iyahang igsoon, kini gumikan kay adunay nakabikil ang iyahang igsoon sa usa sa ilahang mga silingan nga nisangpot sa panagsumbagay, ug gani nag-abut pa kini sila sa huwes.
Dugang pa niini, nga ning bag-o lang nagbikil na usab sila ug balik ug mag-abut unta sila sa sunod nga semana arun sa pag-settle niini.
Sa pikas bahin, human nadunggan ni Wilbert Abalos Silva, ang pamahayag ni Franklin Entis, ni kab-ot kini sa atung sibyaanan ug gustong magpa-interview arun madungung ang ilahang habig, kini gumikan kay ang ilahang pamilya ang gipasanginlan sa pamilyang Barias, nga maoy nagpapatay sa ilahang Inahan.
Gi-klaru ni Wilbert, nga adunay panagbangi ang pamilyang Silva ug Pamilyang Barias, apan na settled na kini ug walay hinungdan nga ilahang ipapatay si Emerina Entis Barias.
Dugang pa niini, nga nagsugod ang ilahang panagbangi sa nakaabay nga tuig, kini human matud pa niya, nga gi raid ang ‘drug den’ sa pamilyang Barias, ug sila ang gipasanginlan nga nahimong hinungdan nagka bugno ang iyahang inahan ug ang namatay.
Gitino niini, nga adunay kahadlok sa kasamtangan ang iyahang pamilya, gumikan kay sila ang gipasanginlan ug nakuyawan sila nga basin unsay mahitabu kanila kung ugaling man mogawas sila sa ilahang panimalay, ilabi na nga silingan ra kaayu sila.
