Giingong andam mutabang ang Simbahang Katoliko para sa rehabilitasyon sa Marawi City.
Kini mao ang pahayag ni Cebu Archbishop Jose Palma human sa nahitabong giyera sa Marawi kung diin ubay-ubay ang kinabuhi ang nakalas.
Matud ni Archbishop Palma nga naistoryahan na ang naasoy nga lakang kauban ang obispo sa lungsod nga si Bishop Edwin Dela Peña.
Giingong nahitabo ang paghisgot niini human nga mibista ang obispo sa balay mismo ni Archbishop Palma kung diin naghatag ang arsobispo og donasyon para sa nahimong rehabilitasyon.
Dako usab ang pagtoo ni Archbishop Palma nga madugayan pa ayha mabalik sa normal ang panginabuhi-an sa mga taga-Marawi mao nga karon kinahanglan gyud ang pagtinabangay ilabina ang paghatag og donasyon.
Bisan paman, gikalipay gihapon ni Bishop Dela Peña ug Archbishop Palma nga sa katapusan nahuman na gyud ang ang giyera sa Marawi.
