CEBU CITY – Ipatuman sa Police Regional Office (PRO) – VII ang hugot nga seguridad sa tanan nga tunghaan subay sa pagbukas sa klase karong sunod semana.
Matud ni PRO-7 Regional Director Brigaider General Debold Sinas nga andam na usab ang security plan nga ilang ipatuman sa tanang mga city ug provinial police office sa rehiyon alang sa kaluwasan sa mga tinun-an atol sa tingbalik sa eskwela.
Subay niini, mitumaw na usab ang panawagan ni Sinas nga ipaubos og drugtest ang mga tinun-an nunot sa padayon nga kampaya batok illegal nga drugas.
Matud ni BGen. Sinas nga angayang ipaubos sa drug test ang mga tinun-an apan alang lang mga nagtungha sa Junior High ug Senior High School.
Gipasbot ni Sinas nga ang maong mga pangidaron mao usab kini ang kanunay nga madakpan gumikan lang sa gingong paggamit og drugas ug himuon nga mo-transport sa illegal nga drugas sa mga durugista.
Samtang gitino ni Dr. Juliet Jeruta, ang Department of Education (DepED) -VII director, nga ang drug testing sa eskwelahan para sa mga estudyante ang wala pa na-realize apan gi-una karon ang mga magtutudlo ug mga personnel para masiguro nga luwas ang opisina.
Apan para sa mga tinun-an, gi-angkon hinoon ni Jeruta nga duna na plano para niini apan wala lang silay budget sa karon ug dili man usab sila ang mag-administer niini.
Kinahanglan niini nga naa ang Philippine Drug Enforcement Agency (PDEA) ug ang Department of Health (DOH).
