Singer Jessie J, cancer-free na

Gipahibalo sa mag-aawit nga si Jessie J nga wala na siyay kanser. Kini nahitabo usa ka tuig human siya nadayagnos nga adunay kanser sa suso.

Gipaambit niya ang usa ka litrato sa iyang kaugalingon nga gipailalom sa Magnetic resonance imaging (MRI) scan sa iyang social media account.

Miingon siya nga mihilak siya sa dihang una niyang nadungog nga wala na siyay kanser.

Niadtong Hunyo 2025, gibutyag sa mag-aawit sa “Price Tag” nga nadayagnos siya nga adunay early stage breast cancer.

Nadayagnos siya una sa wala pa ang pagpagawas sa iyang kanta nga “No Secrets” niadtong Abril 2025.