Andam nang mo-abag ang Muslim community sa Sugbo alang sa ipatumang hugot nga seguridad sa Sinulog grand parade.
Kini human nga gilakip ang libuan ka mga Muslim sa Sugbo isip force multiplers nga motabang sa mga sakop sa PNP subay sa ipatumang heightened alert.
Matud ni Uztadz Najeeb Razul, ang chairman sa Voice of Islam – Cebu nga gawas sa 300 ka mga volunteers, motabang usab sa pagbantay ang halos 1,000 ka mga rehistradong Muslim vendors sa dakbayan alang sa paglikay sa dautang elemento.
Dugang pa ni Razul nga nagpabiling maigmaton ang Muslim community aron isumbong ngadto sa kapulisan kung aduna silay namatikdang kadudahang indibidwal.
Hinuon mipasalig si Razul sa mga otoridad nga ilang ipahamtang ang luwas nga kasaulugan sa Sinulog.
Nagpasalamat usab ang maong Muslim leader sa PNP, ingon man sa Cebu City Government sa ilang pagsalig ngadto sa Muslim community sa Sugbo.
