Nagmalampuson ang gipahigayong Sinulog 2025 Festival Queen Runway Competition nga nahitabo sa usa ka dakong mall diri sa dakbayan sa Sugbo naidtong Enero 13, 2025.
Nagpakita kini sa 21 ka mga maanyag ug pagkamamugnaon sa mga kandidata og ilang mga pundok sa ilang debosyon sa Sr Sto Niño.
Kon diin mitumaw nga mananaog isip Best in Runway ang kandidata nga si Franz Pilapil sa Danao City og ingong man si Sofi Maxim Grenmo sa Lapu-Lapu City ang 2nd Placer samtang si Mary Josephine Paaske sa Carcar City ang 3rd Placer.
Ubang mga kandidata kay gikan sa Asian College of Technology, UP Cebu, Tabaco College Albay, Hermosa Festival Zamboanga City, Tribu Kamanting Performing Arts Guild of Dinagat Islands, Hudyaka Festival Bais City, Camotes Island, Talisay City, Mandaue City, Tibu Masadyaon Toledo City, Tribu Malipayon Consolacion, Nagkahiusang Liloann, Town of Carmen, Kalunasan Cultural Dance Troupe, Banay San Nicolasnon, Inayawam Talents Guild and Cultural Dance Troupe, Maampoong Baniladnon, ug Barangay Zapatera.
Mao kini ang unang salang sa 21 ka mga dalagita sa Photoshoot ug Runway Competition niini nga nagrepresentar sa mga nagkadaiyang contingents nga musalmot sa Sinulog Grand Parade sa umaabot Dominggo Enero 19 sa Cebu City Sports Center.
Ingon man nga ang Grand Coronation Night niini mahitabo inig Biyernes Enero 17 sa CCSC diin makoronahan ang Sinulog 2025 Festival Queen.
