Gipasigarbo karon sa Sinulog Foundation Incorporated ang kadaugan ni Cynthia Thomalla. Kini human nga gikoronahan ang maong kandidata isip Miss Eco International 2018 gahapong adlawa (oras sa Pilipinas) sa Egypt.
Matud ni Mr. Ricky Ballesteros, ang executive director sa SFI nga nagbinuntagay gayud sila ug tan-aw sa mismong live stream sa Miss Eco International, masundan lang ang performance sa Cebuana Beauty Queen.
Matud pa niini nga sugod pa lang sa maong pageant nabatyagan na niini nga makuha gayud ni Cynthia ang korona.
Gumikan niini, proud kaayo ang SFI sanglit nagsugod man sa Sinulog ang karera sa kandidata diin ila kini nga gitabangan nga maporma ang kapabilidad ni Thomalla sa natad sa beauty pageant.
Nasayran nga nahimong Sinulog Festival Queen si Thomalla niadtong tuig 2016 ug nahimo pa nga lead dancer sa Tribu Himagulaw sa Placer Masbate, usa sa mga continguent sa Sinulog ingun man nahimong Reyna sa Aliwan sa pareho nga tuig.
Gibutyag ni Ballesteros nga gumikan matud pa sa nindot nga personalidad ug kina-iya ni Thomalla hinungdan nga daghan ug nagmahal ug nisuporta niini.
Gani, dugang pa niini nga lahi si Thomalia sa uban nga mga beauty queens gumikan nga dili man kini arte ug professional ingun man always on time kini sa ilang schedule.
Samtang, gipaabot usab ni Krista Joan Tañada, ang kanhi kauban ni Thomalla sa Reyna sa Aliwan, ang iyang pagkaproud isip higala. Diin but-an kini sa iyang mga kaubanan sa nahisgutang kompetisyon.
Wala usab duda nga mudaog ang iyang higala gumikan sa katahum niini nga susama ni Anne Hathaway.
