CEBU CITY-“Manageable” ug dili sama sa traslacion sa poong Itim nga Nazareno ang Sinulog Festival 2020, hayan layo nga mahisama ang nahitabo sa kontrobersiya nga gi-atubang sa mga PNP nga gideploy sa Quiapo Church kung diin gipasakitan pa matud pa ang mga deboto ug giilogan pa og cellphone ang usa ka journalist.
Kini ang nahimong reaskyon sa City Director sa Cebu City Police Office (CCPO) nga si Police Colonel Engelbert Soriano sa dihang nahinabi sa Bombo Radyo Cebu.
Kini subay sa selebrasyon sa Sinulog Festival nga siguradong dumugon sa minilyong deboto.
Matud ni Soriano nga bisan paman og hapit pareho ang crowd sa Sinulog ug sa traslacion sa Poong Itim nga Nazareno, lahi usab ang paagi sa partisipasyon niini. Kini tungod kay dili man usab gunitan sa mga deboto ang Senior Santo Niño.
Apan nasabtan matud pa ni Soriano ang nahitabo sa Quiapo tungod kay isip pulis dil usab basta-basta ang kakapoy nga ilang gibati masiguro lang nga secure ang mga tao. Sama sa ilang preparasyon alang sa Sinulog, pipila na ka gabii matud pa sila nga nagpilaw.
Gisiguro usab sa director nga walay mahitabong major incident sa Grand Mardigras sa Sinulog Festival 2020.
