CEBU CITY – Gi-umol na sa kapulisan ang Special Investigation Task Group (SITG) Navarro nga mao ang mututok sa kaso sa pagpamanhig patay kang Clarin, Misamis Occidental Mayor David Navarro kagahapong adlawa.
Pangulohan ang maong task force ni CCPO Director PCol. Gemma Vinluan ug langkuban sa mga pulis nga gikan sa mga hingtungdan nga police stations.
Subay niini, daling mimandu si PCol. Vinluan nga kuhaan ug affidavit ang tanan nga anaa sa area sa dihang nahitabo ang krimen.
Apan gitataw sa police director nga dili niini ipa-divulge kung unsay unod sa affidavit sa mga saksi.
Gisuguro usab ni Vinluan nga ilahang lantawun ang tanang anggulo lakip na ang pagsusi kung daan na bang adunay hulga sa kinabuhi si Mayor Navarro.
Samtang, gidepensahan usab niini ang kapulisan kung diin matud pa nga na ‘caught on surprise’ lang kini ug wala gidahom ang maong insidente gumikan kay kung sabton giingung gamay lang ang kaso nga atubangon unta sa mayor.
