CEBU CITY — Gibutyag sa Barangay Secretary sa Sitio Zapatera sa Barrio Luz sa dakbayan sa sugbo nga nasagmuyo sila sa mga kadagkuan sa City Government ug City Health kabahin sa ‘Miscommunication’ mahitungod sa pag extend balik sa lockdown sa maong lugar.
Gitataw ni Barrio Luz Barangay Secretary Eldebryan Areñes atul sa pakigpulong nila sa mga representante sa city health ug city government pinaagi ni Councilor Joey Dalus nga wala nasayud ang mga pangu sa City Health sa nahitabong lifting sa lockdown.
Kung diin nagkanayon si Areñes nga wala mihatag og rekomendasyon ang City health sa pag-lift sa lockdown.
Unang nidangop sa Bombo Radyo ang pipila ka mga residente sa maong sitio human namatikdan nga nibalik sa striktong seguridad pipila ka oras human gilibkas ang lockdown.
Saysay pa niya nga ang rason nga paduyunon ang lockdown kay aduna’y nahabilin nagpositibo sa COVID-19 sa maong lugar diin mibalibad kini magpa re-swab sa atul sa gipahigayon nga pag re-swabbing sa City Health sa area.
Dugang pa barangay secretary nga kagahapon lang sila gipahibalo sa city health mahitungod sa nahabilin nga nagpositive sa sakit.
Sa eksplisar sa representanti sa city health nga dapat negative ang statistical data sa sakit sa area nga basehan sa pag lift sa lockdown sa Sitio Zapatera kay una mo hatag og rekomendasyon ang City health sa Konseho sa barangay sunod sa City Government ug sa Mayor, sunod sa Regional ug National IATF arun ma aprubahan ang pagtantang sa lockdown.
Sigon pa sa sekretarya sa barangay nga wala’y klaro koordinasyon sa ila ang City Health mahitungod sa nahabilin nga nagpositive area diin mibalibad kini sa reswabbing.
Hangyo niya sa mga kadagkuan sa City Health ug sa City Government nga klarohon nila ang ilang Komunikasyon sa usa’t usa diin ipadaplin ang problema kay nahasul ang mga tawo sa maong isyu.
Una nang nipadayag ang tigpamaba sa mayor nga si Atty. Rey Gealon nga adunay basehan ang paglibkas sa lockdown base na sa mamahimong assessment sa hingtungdan. (kep/gin)
