Anaa sa kritikal nga kahimtang ang Prime Minister sa Slovakia nga si Robert Fico human kini gipauwanan og bala.
Ang pagpamusil nahitabo human sa usa ka miting nga gihimo sa lungsod sa Handlova.
Diin ang suspek nakig-uban sa panon sa katawhan aron sa pagtimbaya sa prime minister sa gawas sa cultural center.
Walay laing naangol sa maong insidente samtang daling nasikop sa mga otoridad ang suspek.
Ingon man nga daling gidala usab sa tambalanan ang nasamdan nga Prime Minister.
Giila ang suspek sa pagpamusil nga si Juraj Cintula, 71-anyos nga usa ka Old Poet ug Miyembro sa Pro-Western Progressive Party gikan sa lungsod sa Levice.
Nasyaran nga si Cintula dugay nang kritiko ni Fico diin sa iyang post sa social media makita ang pipila sa iyang mga pagsaway sa Prime Minister.
Gikondenar sa Presidente sa Slovak nga si Zuzana Čaputová ang insidente ug gipasalig ang usa ka imbestigasyon sa insidente.
