Ma-istaran sulod sa usa ka tuig ang 50 kabuok nga housing units o mas giila Smart House nga gitukod sa Bayanihan Village sa San Remigio, Cebu.
Natukod kining mga smart house ubos sa Department of Human Settlements and Urban, diin matag usa niini nagkantidad og 195,000 pesos.
Sa maong hinabang sa gobyerno, mapasalamaton niini si
Dianne Zapanta, taga Poblacion, San Remigio, kinsa usa sa mga biktima sa 6.9 magnitude nga linog nga niigo sa Northern Cebu, ug usab usa sa mga nagpuyo sa Smart House sa Bayanihan Village sa San Remigio, Cebu.
Matod ni Zapanta, tungod sa maong temporaryong gipuy-an nila, naminus-minussan ang ilahang kahadlok ug kabalaka tungod aduna na silay matawag nga panimalay human maong panghitabo.
Gikabutyag usab ni Zapanta nga niadto pang Oktobre 16 pormal nga na turn-over kini mga smart house ngadto kanila, apan bisan pa og wala pa sila maabti og semana sa pag-istar niini, maka ingun siya nga okay ang maong temporaryong puloy-anan.
Hinuon iyahang giklaro nga adunay pipila ka kabutangan usab sama sa electric ang nalakip sa ilahang pwede magamit sulod sa smart house, bisan pa sa pagkakaron, i-apas ra ang pagpahiluna nila ilabi na sa lutuanan, kaligaonan, ug usab ang labhanan.
Sa pikas bahin, iyaha usab nga naasoy nga ang ilahang panimalay kaniadto anaa daplin sa babay, diin paghuman nga niigo ang linog, natuyokan na kini og ka mga sinkholes sa kasamtangan.
