Naabot na ang sobra 900-ka mga deligado sa Central Visayas nga mosalmut ug mopartisipar sa ipahigayung nga Palarong Pambansa 2025, sa Laoag City sa Ilocos Norte.
Andam na usab ang mga nagkada-iyang deligado nga mosalmut sa maong kompetisyon, ug mapasalamatun usab si Department of Education-7 Regional Director Dr. Salustiano Jimenez, sa mga paningkamot sa mga coaches; mentors ug hilabi na sa mga ginikanan sa kanunayng pagsuporta sa mga atleta.
Nanghinaot usab kini nga walay mahitabong kadaot o sitwasyon nga makabalda sa pagsalmut sa mga deligado.
Gisiguro usab ni Jiminez, nga kompleto ang mga panginahanglanon sa mga bata, hilabi na sa pagpreparar sa mga pagkaon ug tubig alang kanila.
Nangayu usab kini ug pasalamat sa lokal nga kagamhanan sa maong lugar, sa mga lakang nga gitagana alang sa pag-asistir hilabi na sa seguridad; tubig; tabang medical alang sa mga misalmot.
Sa pikas bahin, lakip ra gihapon nga misalmot ang mga delegado sa Negros Island sa mga nagkadaiyang kompetisyon sa Palarong Pambansa, kauban ang Central Visayas apan mao nalang kini ang kinalasang pagsalmot sanglit, sa sunod tuig iusa na ang NIR ug Siquijor. | Bombo Nathaniel Sandoval
