Nailhan na sa mga awtoridad sa South Korea ang 88 ka tawo nga namatay gikan sa 179 sa nahagsa ug nasunog nga eroplano sa South Korea.
Bisag lisod na ang pagtino sa identidad sa mga patayng lawas, ang mga awtoridad naggamit ug lainlaing mga paagi sa pag-ila niini, sama sa fingerprints, dental record, ug uban pa.
Ingon man ang mga kabanay usab sa mga biktima kay naglisod sa pag-ila niini.
Hangtod karon, aduna pa’y 10 ka mga nagpabilin kansang gender dili matino.
Samtang, 85 sa mga patayng lawas mga babaye samtang 84 mga lalaki, basi sa inisyal nga impormasyon nga gipagawas sa mga awtoridad sa SoKor.
Sa laing bahin, anaa na sa maayong kondisyon ang duha ka survivor nga giila lang sa apelyido nga Lee, 33 anyos, ug Koo, 25 anyos.
Nakaangkon og daghang samad si Lee nakaangkon lakip na ang nabali nga rib ug traumatic spinal injury, samtang si Koo nakaangkon og samad sa iyang mga bitiis ug ulo.
Bisan pa sa grabe nga mga samad, ang duha giingon nga makasulti ug walay timailhan sa pagkawala sa memorya.
Gideklarar sa gobyerno sa South Korea ang pito ka adlaw nga pagbangotan alang sa mga nawad-an sa ilang kinabuhi sa makalilisang nga trahedya.
