DAANBANTAYAN, CEBU-Gipangandaman karon sa kagamhanang lalawigan sa Sugbo ang ipahigayyon nga groundbreaking ug capsule-laying ceremony sa pagatukurong 150-megawatt solar plant sa lungsod sa Daan bantayan sa amihanang Sugbo.
Ikatakda kini sa umaabot Marso 16 diin gipaabot nga mutambong ang mga kadagkuan sa Department of Energy ug sa kontraktor niini nga ACCIONA Energia, nga usa ka Spanish-firm company nga maoy mutukod ug muoperate sa maong planta.
Pagaduyugan ang maong kalihokan ni Cebu Provincial Governor Gwendolyn Garcia, Daanbantayan Municipal Mayor Sun Shimura, Cebu Police Provincial Office Director Colonel Jovito Atanacio, ug uban pa.
Ang maong mga opisyales kay nagtagbo niadtong nakalabayng Biyernes, Pebrero 28 aron hisgotan ang detalye sa ipahigayong kalihokan.
Ang pagatukurong 187-ka ektarya nga solar power plant kay pabarugan gikan sa luna sa Kapitolyo sa Sugbo sa lungsod sa Daanbantayan diin gihulagway kini nga labing uanng public-private partnership sa solar power generation sa panguluhan sa kagamhanang lalawigan.
Kahinumduman nga niadtong buwan sa Enero kay pahiunang mihatag sa bayad sa mga napalit nga mga luna ang Kapitolyo diin mipaambit sab og pasalamat ni Mayor Shimura sa maong kalamboan sa iyang lungsod.
Gipaabot nga makaserbisyo ang maong proyekto sa mga lungsod sa amihanang lalawigan ilabi na sa pagdalit og mga trabaho ug ang kita sa kuryente kay magamit sa mga serbisyo sa Kapitolyo.
