Gikabutyag ni Danilo Arao, ang Kontra Daya Convenor nga bisan paman nga ang ika-limang State of the Nation Address (SONA) ni Presidente Ferdinand Marcos Jr. mao ang labing taas nga pakigpulong sa presidente kompara sa nakalabayng SONA niini, adunay daghang pagkuwang ang mga gikinahanglang ipunting ‘unta’ sa presidente.
Atol sa eklsklusibong pakighinabi sa Bombo Radyo Cebu kang Arao, siya nagkanayon nga adunay dakong haw-ang sa nahimong pamahayag sa presidente kagahapon sa iyahang SONA, ilabi na kung basihan ang mga nag-unang suliran nga giatubang sa nag-unang sektor sa nasud.
Dugang pa niya, bisan pa nga gibutyag sa presidente nga adunay daghang benepisyo ang napahimuslan sa katawhang Pilipino, ang paglapad sa gitanyag nga pa-utang para sa pabahay programs, mahulog gihapon og huyang kini tungod kay wala makahisgut si Marcos sa dugay na nga panawagan sa mga mamumuo alang sa makabuhi og pamilya nga sweldo o living wage.
Dugang nga gisubay ni Arao sa angayang untang nalakip sa pakigpulong sa presidente mao ang kahilom sa hisgutanan kabahin sa Genuine Agrarian Reform alang sa sektor sa agrikultura.
Samtang ang Ancestral Domain alang sa mga katutubo, wala usab tagae og pagtagad ug pagtahud apan, gikuhaan ug gikatawan pa hinuon kini og mga kayutaan ang mga katutubo, tungod sa kalaog sa nagkadaiyang korporasyon.
Gidugang usab ni Arao ang usa sa init nga hisgutanan sa kasamtangan, ang Pax Silica. Diin matod niya nga giduot karon sa kasamtangang adminstrasyon ang pagtukod niini tungod sa sobra nga pagpanghilabot sa Estados Unidos ug uban pang kaalyadong nasud.
