Pormal na nga giselyuhan ug giturn-over ni Pro V&V President Mr. Jack Cobb ang source code ang source code sa Online Voting and Counting System.
Kini nagpamatuod nga nagmalampuson ang nahitabong trusted build ug ang sunod nga lakang niini kay ang local source code review sa Department of Science and Technology ug sa Department of Information and Communications Technology.
Matud ni Commission on Elections Chairman George Erwin Garcia nga naghuwat na lang sila sa pagtugot sa Bangko Sentral ng Pilipinas sa pagdeposito sa source codes.
Sa pagkakaron, ang poll body maoy nagdumala sa Election Management System, Automated Election System, Consolidated Canvassing System, ug Online Voting and Counting System.
Matod ni Mr. Cobb, gipaabot nga usa ka taho ang ipagawas sa Technical Evaluation Committee sa Abril ug kon gani maaprobahan na nila, moagi na usab kini sa poll body.
Ingon man nga daghan pa ang mga papeles nga pagabuhaton bisan pa sa local source code review.
Niini, masaligon si Garcia nga walay dagkong problema nga makit-an sa local source code review tungod kay niagi na kini sa international review.
Ang pagpahigayon sa usa ka lokal nga source code review kabahin na sa balaod, busa kini kinahanglan nga buhaton.
