Gisalikway sa South Korean court ang hangyo sa usa ka special prosecutor nga mag-isyu og warrant of arrest alang kang kanhi Presidente Yoon Suk-yeol, may kalabotan sa iyang napakyas nga deklarasyon sa martial law.
Sumala sa piskal, si Yoon nagdumili sa pag-atubang sa imbestigasyon ug nag-atubang sa mga kaso nga obstruction ug insurrection, nga mahimong hamtangan og tibuok kinabuhi nga sentensiya o silot sa kamatayon.
Ingon man nga niinsister ang kampo ni Yoon nga ang imbestigasyon kay politically motivated, apan ilang gipasalig nga moatubang siya sa sunod nga pagdungog sa Sabado.
Kahinumduman nga gidakop si Yoon niadtong Enero apan gibuhian human sa 52 ka adlaw tungod sa teknikalidad. ug gipanghimakak niya nga ang deklarasyon sa martial law adunay bisan unsang malisyosong katuyoan, nga nag-ingon nga kini aron sa pagpasidaan sa publiko sa hulga gikan sa oposisyon.
Samtang, giaprobahan sa korte ang extension sa detensyon ni kanhi Defense Minister Kim Yong-hyun, kinsa giakusahan usab nga nagplano sa martial law.
