Gipahunong ni South Korean President Lee Jae-myung ang pagpatuman sa 700-billion won (₱28.7 billion) infrastructure loan sa Pilipinas, tungod sa “potential for corruption” niini.
Kini nga kamandoan nagsunod sa dakong eskandalo sa korapsyon sa Pilipinas nga naglambigit sa flood control infrastructure, nga maoy nakaaghat sa grabeng imbestigasyon sa Kamara ug Senado.
Dugang niini, nagsubay usab ang kamandoan sa Pangu sa South Korea tungod sa gidudahang panagkunsabo tali sa mga politiko ug mga kontraktor sa pagwaldas sa mga pundo nga gituyo alang sa mga proyekto sama sa flood control projects.
Gihimo ni Lee ang pahibalo sa usa ka post sa Facebook kaniadtong Martes, diin siya niingun og “immediate suspension” sa tanang umaabot pa nga procedure nga may kalabotan sa nahigustang proyekto.
Subay niini, sa kasamtangan, wala pay bisan usa nga proyekto ang nasugdan nga buot nagpasabot nga walay nakuha nga pundo gikan sa Economic Development Cooperation Fund ang nagasto.
