Gisuportahan ni Senate President Sherwin “Win” Gatchalian ang plano alang sa Pax Silica Industrial Hub, apan gipasiugda nga kinahanglan matuman una ang pipila ka kondisyon aron mapanalipdan ang interes sa nasud.
Atol sa hearing sa Senado niadtong Biyernes, miingon si Gatchalian nga kinahanglan tagdon ang mga risgo sa proyekto, lakip ang pagpanalipod sa mga lokal nga komunidad sa Tarlac.
Gipasiugda usab niya ang panginahanglan sa igo ug lig-on nga suplay sa tubig ug kuryente, ingon man ang technology transfer aron makabenepisyo usab ang mga Pilipino pinaagi sa mas taas nga kahanas ug oportunidad sa trabaho.
Gihulagway ni Gatchalian ang Pax Silica isip potensyal nga dakong lakang sa pagpalambo sa industriya sa nasud.
Samtang, misupak ang pipila ka environmental groups sa proyekto tungod sa posibleng epekto niini sa kalikopan ug mga residente sa Tarlac.
Matod ni Gatchalian, kinahanglan balansehon ang mga oportunidad ug risgo sa proyekto sa dili pa kini hingpit nga mapatuman.
