Andam nga maminaw si House Speaker Martin Romualdez sa tanang isyu sa Philippine Offshore Gaming Operators o kon POGO.
Nagkanayon kini nga adunay proseso nga kinahanglang sundon sa mga panawagan nga ipatuman ang total ban sa POGO.
Matod niya nga gikinahanglan ang pagpahigayon og mga hearing diin madungog ang tanang stakeholders kalabot sa ilang posisyon.
Dinhi usab matimbangtimbang sa Kongreso ang labing maayong lakang nga himuon batok sa POGO.
Apan subling miinsister ang House Speaker nga kon mohimo og butang nga gidili sa balaod, dakpon dayon kini sa mga tinugyanan sa balaod.
Kahinumduman nga naaprubahan niadtong Pebrero ang House Bill 5082 ug House Resolution 1197 sa House Committee on Games and Amusement sa tuyo nga i-ban ang POGO ug ideklarar nga ilegal ang operasyon niini.
Diin pipila ka mga Kongresista gusto usab nga i-ban ang POGO sa nasud tungod sa mga dautang butang nga gipahinabo tungod sa mga krimen nga nalambigit niini.
