Nipasalig si House Speaker Martin Romualdez sa suporta sa House of Representatives ngatdo kang Secretary Sonny Angara nga gitudlo ni Presidente Ferdinand Marcos Jr., isip bag-ong Secretary sa Department of Education (DepEd) hulip kang Bise Presidente Sara Duterte nga ni-resign sa katungdanan.
Gihangop ni Speaker Romuladez ang pagtudlo kang Angara isip incoming secretary sa departamento tungod sa iyang halapad nga kasinatian, wala’y sama nga dedikasyon ug sulundon nga serbisyo publiko.
Gipasiugda sa opisyal nga sa tibuok karera ni Senador Angara, iyang gipakita ang pag-uswag sa sistema sa edukasyon ug pagpasiugda sa katungod ug kaayohan sa mga estudyante ug magtutudlo.
Gidugang pa sa speaker nga ang iyang impresibong kaagi ug bantogang buhat sa lehislatibo ug mga kalampusan sa polisiya sa edukasyon naghatag kaniya sa kahanas nga gikinahanglan niini sa pagdumala sa DepEd uban ang kamaayo.
Gisaysay usab niini nga ang Kamara kay naghinam-hinam nga makigtambayayong kang Secretary Angara aron matuman ang tumong sa pagsiguro nga ang matag Pilipinong bata adunay access sa kalidad nga edukasyon.
