CEBU CITY-Gikumpirmar na sa kadagkuan sa Sinulog Foundation Incorporated nga adtu gihapon sa dakong hawanan sa south road properties (SRP) ang sinulog sa sugbo philippines 2024.
Gipasalig sa executive director sa SFI nga si Jojo Labela nga taliwa sa daghan nga pagsuway nga ilang nadawat sa miaging tuig, karon mas han-ay ug hapsay na ang venue alang sa mga contingents lakip na ang mananan-away sa grand parade.
Apil usab sa mga kabag-ohan mao ang pag butang ug atop sa mga bleachers subay sa 3.7 kilometers sa carousel route ug bleachers alang sa mga mu saksi sa grand ritual showdown.
Dugang pa ni Labella nga madayun najud ilang giplano nga ampitheater sa SRP diin kini maka amudar ug 6,000 ka mga bisita dayun nga sinulog grand parade.
Kahinumduman nga sa miaging tuig mga mono block chairs ra ang mga gilingkoran sa mga ning saksi sa pagpasundayag sa mga contingents.
Gipahibaw usab ni Labella na miabot na sa 15 ka contingents ang mipakita ug interest sa mu salmot sunod tuig.
