Standing sa Gilas Pilipinas Youth, nagpabiling hamis

Nagpabiling wala’y pilde ang Gilas Pilipinas Under 16 sa nagpadayon nga 2025 SEABA Under-16 Cup.

Kini human ilang gipildi ang Malaysia sa iskor nga 96-61 aron makakuha og lima ka daog ug walay pildi.

Sa pagsugod pa lang sa duwa, nanguna na ang Batang Gilas ug wala na tugoti ang Malaysia nga makaangkon pa og luna.

Gumikan niini, segurado na silang motigi sa FIBA ​​​​U16 Asia Cup nga ipahigayon sa Mongolia sa Agosto.

Matod ni national youth coach LA Tenorio nga kinahanglan niyang disiplinahon ang mga magduduwa tungod kay nawad-an sila og focus ug sistema.(Bombo Irene Ardiente)