CEBU CITY-Angayan nga maputol ug maundang na ang stigma sa HIV nga sagad sa makaangkon niini ang gikahadlokan sa uban ug gika-uwaw mismo sa hingtungan.
Kini ang tumong og tuyo sa pagbisita ni Miss Universe 2015 ug Love Yourself Ambassador Pia Alonzo Wurtzbach sa Sugbo alang na usab sa pakigbisog niini sa iyang adbokasiya nga mao ang HIV/ AIDS.
Gibisita ni Wurtzbach ang Love yourself clinic sa Sugbo aron na usab maghatag og kasayuran o ingon man pag-awhag sa mga nataptan sa maong sakit nga dili na magpanuko sa pagpatest.
Kini usab ang ilang nakita nga problema mao nga bisan paman sa kakusog sa ilang kampanya padayon nga misaka ang ihap sa mga nataptan niining HIV.
Gipasabot ni Pia nga walay angayang kahadlokan sanglit andam sila nga mutabang para mahatagan og proper treatment ang mga pasyente.
Nahimutang ang Love Yourself White house sa 40 J Laurente St. niining dakbayan para sa mga gusto nga libreng magpatest.
Nasayran nga niadtong tuig 1988 hangtud Pebrero niining kasamtangan tuig anaa na sa 66,333 ang ihap sa HIV cases.
Samtang sa nakalabay nga buwan mukabat sa 789 ang ihap sa nataptan diin 94 % niini mga lalaki ug 51% mga babae. (MD)
