Nagpahibalo ang Iran nga magpabiling sirado ang Strait of Hormuz hangtod dili tumanon sa Estados Unidos ang mga kondisyon sa interim agreement nga nasabutan niadtong Hunyo.
Sumala sa top Iranian negotiator nga si Mohammad Baqer Qalibaf, lakip sa gipangayo sa Iran ang pagtangtang sa US blockade sa ilang mga pantalan, pagtangtang sa oil sanctions, pagpagawas sa mga frozen assets sa Iran, ug paghunong sa mga hulga ug military operations batok sa ilang nasod.
Ang Strait of Hormuz usa sa pinaka-importante nga agianan sa kalibotan alang sa transportasyon sa lana ug liquefied natural gas, busa ang dugay nga pagsira niini mahimong adunay dakong epekto sa global energy supply ug presyo sa lana.
Apan lahi ang posisyon sa Estados Unidos human gipadayag ni President Donald Trump nga wala na’y nagpadayon o nakatakdang negosasyon tali sa US ug Iran, ug nagbutyag usab nga abli ug luwas ang Strait of Hormuz.
Sa pagkakaron, nagpabiling tensiyonado ang sitwasyon ug ang posibilidad sa dugay nga pagsira sa Strait, padayon nga naghatag og kabalaka sa international oil market.
