CEBU CITY-Viral karon sa social media ang usa ka street cleaner human nga nag-uli kini og pitaka nga dunay sulod nga 30,000 pesos ug mga importanteng ID.
Naila ang giisip nga ‘good samaritan’ nga si Angelo Baguio, 40 anyos ug nagtrabaho isip sweeper sa dalan sa Ayala Business Park.
Pagsaysay ni Bagiuo sa dihang nahinabi sa Bombo Radyo Cebu nga naatlan pang nanguykoy og basura bisan day off niini para iya matud pang sideline aron maka income.
Pagsaysay niini nga samtang nanilhig siya, nakita niini ang usa ka pitaka. Sa dihang iya kining gihiling, nakita matud pa niya ang daghang ID ug card ug ingon man kwarta nga niadtong tungura wala niya ipha ug hilabti.
Iya matud pa nga gikontak ang numero nga naa sa usa sa mga ID nga nakabutang para sa emergency calls ug nakontak niini ang amahan sa tag-iya sa wallet.
Ang amahan na matud pa ang miingon sa iyang anak kalabot sa pagkakaplag sa maong wallet hangtud nga nagkakontakay na sila sa tag-iya og nauli ang wallet.
Sa tumang kalipay sa tag-iya nga si Christine Janelle Kho kinsang wala na nagtoo nga naa pay muuli sa iyang pitaka ilabina nga naa kini kwarta sa sulod, iya nga gipahalipayan si Baguio.
Dili unta mudawat si Bagiuo apan gipugos kini ni Kho. Rason sa naasoy nga street cleaner nga bisan paman og naa siya sa kalisod dili siya masilaw sa kwarta nga wala niya hagu-i.
Gipost ni Kho sa iyang social media ang nahitabo kung diin gidayeg sa mga netizens ang gibuhat sa street cleaner ug nag viral pa ang photo niini.
Miabot na karon sa 730 shares ang post diin gikalipay usab kini ni Baguio tungod kaw daw sama nga nahimo siyang instant celebrity tungod kay duna may makig-selfie kaniya.
Mensahe pa niini sa publiko nga kung dunay makit-an nga butang, magamay man o dako basta dili ila, angayan kining i-uli sa tag-iya. (FDP)
