CEBU CITY — Uyon ang Task Force COVID-19 sa lakang ni Cebu City Mayor Edgardo Labella nga gamiton gihapon ang quarantine pass ug dili una tugutan ang mga leisure activities sa higayon nga ipaubos ang dakbayan sa modified general community quarantine (MGCQ).
Matud sa COVID-19 Task Force Overseer for Visayas nga si Melquiades Feliciano nga kaya nang ikontrolar sa local Emergency Operations Center ang sitwasyon ilabi na nga nagkaubos ang mga natalang kaso sa coronavirus.
Sa interview sa Bombo Radyo ngadto ni Feliciano, gibutyag niini nga doblehon ang pagpaningkamot sa local government unit kung ipaubos ang Cebu City sa LGU aron dili na mokuyanap pag-usab ang kagaw.
Dugang pa niini nga angayan nang palu-agan pa ang quarantine restrictions sanglit gikonsiderar niini ang panginabuhi sa mga Sugbuanon human sa krisis. /GN
