Gibalik og pagpasa sa konseho ni Cebu City Councilor Jun Gabuya ang ordinansa nga pag-ban sa mga nag-praktis ug drive sa mga nag-unang kadalanan o ‘busy street’.
Matod pa ni Gabuya nga ang maong ordinansa, sa una pa kini nga termino apan apan nahutdan na ug oras hinungdan nga iya kining gipadayon karon.
Ang maong ordinansa ang pagdili sa mga student driver nga magpraktis sa mga ‘thorough fares’.
Sigon pa sa konsehal nga bisan paman walay dako nga mga disgrasya mahitungod sa mga student drivers apan nakadugang kini sa kahuot sa traffic sa dakbayan sa Sugbo.
Gipaabot pa usab karon ni Gabuya ang ubang rekomendasyon sa mga kaubanang konsehal kun unsa ang ilang sugyot kun ugaling masakpan nga magpraktis sa mga ‘busy street’ susama sa South Road Property (SRP), paingon sa JY Square ug sa uban pang ‘thorough fares’.
Nanghinaot usab si Gabuya nga unta makasabot ang Land Transportation Office (LTO) 7 sa maong ordinansa ingon man sa mga student drivers gumikan alang usab kini sa kaayuhan sa dakbayan sa Sugbo. (Lahvi Quiñones)
