Studyente nahulog sa 10th-floor sa usa ka pribadong tunghaan, patay

CEBU – Gibutyag ni Police Major John Libres, hepe sa Opao Police Station sa dakbayan sa Mandaue, nga padayon ang ilang imbestigasyon sa kamatayon sa usa ka 19-anyos nga nursing student sulod sa usa sa mga unibersidad sa dakbayan.

Wala pa matino sa kapolisan kung ang estudyante miambak o nahulog gikan sa ika-10 nga andana sa building.

Matud ni Libres nga anaa ra sa 7th hangtod 9th floors ang available nga CCTV footage.

Walay CCTV camera sa 10th floor.

Gisalikway usab ni Libres ang mga pangagpas nga ang tinun-an sa lungsod sa Liloan nakakuha og zero sa eksaminasyon.

Sa pagkutlo sa iyang pamilya ug mga higala, si Libres miingon nga ang estudyante usa ka maayo sa pagtungha.