CEBU – Gikalipay ni Cebu 6th District Provincial Boad Member Glenn Soco nga gibalik na sa kagamhanan sa probinsiya ang Province Wide Volleyball Tournament for Women 2022.
Matod pa ni Boardmember Soco nga karong tuiga mao ang ika-10 nga season human mahunong ang maong volleyball cup sa duha ka tuig tungod sa Covid-19 pandemic.
Nagkanayon pa ang opisyal nga gipahigayon ang launching sa maong torneyo niadtong milabayng Agosto 8, 2022 samtang ang mga duwa magsugod sa sunod buwan o sa buwan sa Setyembre ug mahuman sa Disyembre.
Samtang sa habig ni Cebu Governor Gwen Garcia, nagkanayon kini nga ang Province Wide Volleyball Tournament for Women 2022 ang ilahang gi-una ug isunod nila ang kategorya sa kalalakin-an ug kategorya alang sa kabatan-onan.
Gitataw ni Garcia nga ang maong volleyball tournament maoy unang sporting event nga gilusad gumikan giuna sa Capitolyo ang mga non-contact sports tungod sa pandemya ingon man malikayan ang panag-away tali sa mga players.
