CEBU CITY — Gikunsiderar sa Department of Tourism (DOT) ang Sugbo isip hub sa ESL o Englis as a Second Language companies sa nasud.
Kini ang gibutyag ni Tourism Undersecretary Benito Bengzon Jr. sa gipahigayong unang Philippine Education Tourism Conference (PETC) nga gipahigyayon sa Cebu.
Matud ni Bengzon nga dako og tabang alang sa nasud ang kamaayo sa mga Pilipino sa pinulungang Ingles ilabi na kung employment rate ang hisgutanan.
“Because as you get more mainstream tourists and ESL students, obviously you want more accommodation facilities,” pagtino pa niini.
Dugang pa niini nga ang English proficiency sa halos 94 porsyento sa mga Pilipino maoy makahayag og dakong oportunidad, maka-import og access, ug pagpalambo sa ekonomiya sa nasud.
“The Philippines is the third largest English-speaking country in Asia and about 93.5 percent of its population speak and understand English. In the TOIEC (Test of English for International Communication), the mean score of the Philippines is 710, placing 10th worldwide and highest among Asian countries,” sigon pa usab sa ni Bengzon.
Sa kasamtanganm, anaa na sa 150 ka mga ESL hubs sa Sugbo ang giila sa Technical Education and Skills Development Authority (TESDA) ug sa Bureau of Immigration.
Ang ESL hub mao ang usa ka venue kung diin nagtuon og pinulungang Ingles ang mga langyaw gikan sa Japan, Korea, China, Thailand, ug uban pa.
