Planong ipadayon ni Cebu Provincial Governor Pamela “Pam” Baricuatro ang Sugbo Kahanas Program sukwahi sa mga taho nga ipahunong niya kini.
Apan bisan paman sa planong pagpadayon kay nagtuo si Gov. Baricuatro nga ang programa kay nagkinahanglang makakuha og trabaho human sa ilang pagtapos sa kurso ang kadaghanan sa mga benepisyaryo.
Gisaysay kini sa gobernadora atol sa gradwasyon sa 144 ka mga benepisyaryo sa Sugbo Kahanas Season 4 Ceremonial Distribution of Certificates ug mga starter toolkits ug training allowances nila.
Aron maayong mulahutay ang programa, giangkon niini nga ang kasamtangang administrasyon kay mu-prioritize sa skills matching aron matakdo ang mga training sa demanda sa labor market nga hilabihang makabenepisyo para sa mga Sugbuanon.
Naghatag ang programa sa mga kwalipikado nga mga Sugbuanon sa libre nga technical-vocational training aron makaangkon og mga kahanas nga magamit alang sa lokal ug gawas sa nasud nga mga trabaho o pagsugod sa mga negosyo sa panginabuhi.
Alang sa Season 4 program, ang Kapitolyo nigahin ug P200-milyones sa maong programa, nga mas taas og P100-milyones kon itandi sa budget matag tuig sa miaging tulo ka season.
