CEBU – Gihuptan gihapon sa Sugbo ang labing adunahan nga probinsiya sa Pilipinas, base sa pinakaulahing findings sa Commission on Audit (COA).
Kung diin sa 2021 Annual Financial Report, ang COA niranggo sa Sugbo isip pinakadato nga probinsiya sa termino sa equity ug assets.
Kini ang ikawalong sunodsunod nga higayon nga ang Sugbo, ang pinakadaghang populasyon nga lalawigan sa Central Visayas ug gikonsiderar nga sentro sa ekonomikanhon ug komersyal nga kalihokan sa rehiyon, nahimong labing adunahan nga lalawigan sa nasod.
Ang samang taho dugang nagpakita nga ang mga kabtangan mikabat sa gibana-bana nga P215.2 bilyones samtang ang equity niini anaa sa P209.4 bilyon.
Dugang pa, nga ang equity nagtumong sa mga kabtangan nga nahabilin human mabakwi ang mga utang.
