Mapasalamaton ang Sugboanon, nga si Bernadette Gocuan, Top 8 sa bag-o lang migawas nga resulta sa Optometrist Licensure Examination 2026 sa iyang mga naagian nga hagit sa kinabuhi sa dihang gatungha pa siya sa maong natad, sa Cebu Doctors University.
Matud niini, nga taliwala sa iyang mga hagit nga iyang nasugatan, nakapadayon gihapon siya sa pagtungha ug karon nahimong top 8 sa examinasyon, taliwala nga dili kini ang iyang first choice nga kurso.
Sigon ni Gocuan, bisan nga naulahi na siya kon ikumpara sa iyang mga ka-batchmates, nagpabilin ra gihapon nga lig-on ang iyang pagtou nga mahuman niini ang journey, taliwala sa kataas pagtoun nga moabut sa 6-katuig una maka graduate.
Wala usab siya magtou, nga ang kaniadto komedya lang sa iyang mga classmates, nga mamahimo siyang parte sa Top 8, nahitabo gayud karon human sa examinations.
Plano usab ni Gocuan, nga magsilbi sa mga Sugboanon aron mahatagan og pagtagad ang Health care system, particular na sa pag-amping sa mga mata sa mga tawo gumikan kay mao kini ang usa sa labing importante nga parte sa lawas.
