Gisuportahan sa National Price Coordinating Council ang sugyot sa Department of Agriculture nga magtakda og P50 kada kilo nga price cap sa imported nga bugas.
Diin nagpaabot nalang kini sa pag-aprubar ni Presidente Ferdinand Marcos Jr., ug gisakup niini ang imported nga bugas nga adunay 5% nga broken grains, nga ipatuman sulod sa 30 ka adlaw.
Tumong sa lakang nga mapugngan ang pagsaka sa presyo sa pagkaon taliwala sa pagsaka sa presyo sa lana tungod sa tensyon sa Middle East.
Sumala ni Agriculture Secretary Francisco Tiu Laurel Jr., ang ubang imported nga bugas gipalit sa mas ubos nga presyo, busa dili kini angay ibaligya nga labaw sa gitakdang presyo.
Bisan pa, nagpasidaan ang mga ekonomista: ang pagpatuman sa price cap kinahanglan nga mag-amping aron malikayan ang kakulang sa suplay ug dili makaapekto sa merkado.
