Cebu City-Gibana-bana nga muabot sa 1 million pesos ang danyos sa mitumaw nga sunog sa may Brgy. Ward 3,lungsod sa Minglanilla, Cebu kagahapon sa hapon, Marso 19.
Matud sa imbestigador nga si FO1 Folbert Navarro nga sa wala pa mahitabo ang sunog adunay nakakita sa magti-ayong Joe ug Jenny Paran nga nag-away ug nadunggan niini nga mihulga matud pa si Jenny nga sunugon niya ang ilang balay.
Giingon usab nga ang maong babae adunay problema sa panghuna-huna.
Nakalay lang ang pipila ka minutos nakugng nalang ang mga residente sa dihang kalit nga mi-ulbo ang kayo. Dali usab kini nga mikatap sanglit ginama lang sa mga light materials ang mga kabalayan.
Human sa pagkahitabo, gikulata pa si Jenny sa mga residente tungod kay nagtoo kining mao gyud ang hinungdan sa sunog. Dali usab nga gi-rescue sa mga pulis si Jenny. Anaa kini karon sa Minglanilla police station ug dili pa makasulti.
Muabot sa 20 ka mga balay ang nasunog sa inidente. Samang padayon pa ang imbestigasyon sa tinood nga hinungdan sa sunog.
Wala hinooy naangol o namatay sa maong panghitabo.
