Miduyog sa hulga sa Super typhoon Uwan ang miulbong sunog sa Barangay Tabok, dakbayan sa Mandaue.
Ingon man nga daling mirespondi ang mga sakop sa kabomberohan ug dali usab nga gi-assess sa Mandaue City Social Welfare Services (CSWS) ang mga residente nga naapektohan sa sunog ganihang kapin sa alas 4 ning Nobyembre 9.
Nahatagan na usab sila sa CSWS og pack lunch meals ug disaster kits nga naglakip sa hygiene items, habol, ug uban pang panginahanglanon sa emerhensiya.
Basi sa inisyal nga assessment, 27 ka pamilya o anaa sa 96 ka mga indibidwal ang naapektohan ug kasamtangan nga anaa sa evacuation site samtang nagpadayon ang profiling ug assessment aron masiguro nga matag-usa makadawat sa tukmang tabang.
Personal nga gisusi ni CSWS Focal – Executive Assistant III Glydiza Gochoco ang sitwasyon sa mga biktima aron masiguro ang kaluwasan ug kinahanglanon sa mga biktima.
Ang paspas nga aksyon gipasiugda ubos sa liderato ni Mayor Thadeo “Jonkie” Ouano, nga nagpasabot sa tinuoray nga pagpaningkamot sa lokal nga kagamhanan nga unahon ang katawhan panahon sa katalagman.
Samtang, sa pakighinabi sa Bombo Newsteam kang Sherwin Udang, usa sa mga nasunugan, gipaambit niini nga hapit pa kini nga maangol human nga natumba sa dihang paingon pagawas sa iyang balay.
Ingon man nga luwas siya apan ang iyang iro kay wala naluwas ug naapil kasunog.
