MANDAUE CITY,CEBU- Mikabat sa dul-an upat ka oras ang pakigkumbati sa mga sakop sa kabomberohan sa mibulabog nga dakong sunog nga mitumaw gabii sa Zone Talong, Barangay Paknaan, dakbayan sa Mandaue.
Diin unang gisaka ang 1st alarm alas 7:45 sa gabii ug sa pagtungtong sa alas 8:04 sa gabii kay gipasaka na ang ika-upat nga alarma.
Ug hingpit kini nga gideklarar nga fire our kay pasado alas 10:37 na sa gabii.
Base sa inisyal nga taho, anaa sa 200 ka mga balay ang naugdaw, diin mokabat sa P3,000,000 ang danyos niini.
Sa pagkakaron, anaa sa Bamo Gym, Barangay Pakna-an, Dakbayan sa Mandaue ang mga biktima sa sunog.
Samtang sa pikas bahin, patay ang usa ka rider human kini nadasmagan sa nagresponde sa alarma sa sunog sa naasoy nga dakbayan sa kadalanan sa Barangay Cambaro dakbayan sa Mandaue.
Giila ang biktima nga si Juan Paulo Mindo, 23-anyos nga taga Barangay Kalawisan sa dakbayan sa Lapu-lapu.
Gisuwayan pa og salbar ang biktima ug gidala sa Mandaue City Hospital apan gideklarar kini nga dead-on-arrival.
