Sunog sa Minsk aircraft carrier sa China, giimbestigahan

JIANGSU, China – Gisusi na sa mga eksperto ang pagkasunog sa kanhi Soviet aircraft carrier nga Minsk, nga gipanag-iya na karon sa usa ka kompanya sa China.

Ang insidente nahitabo sa Nantong, nga usa ka prefecture-level nga siyudad sa habagatan-sidlakang lalawigan sa Jiangsu, China.

Wala pa masayri ang hinungdan sa insidente, kon tinuyo ba kini o aksidente ug pila ang danyos.

Kung kahinumduman nga ang kompanya sa China mipalit sa maong barko niadtong 1995 aron himoong theme park.

Ug giingong ang nasangpit nga barko adunay lain-laing mga operator ug gigamit isip tourist attraction.