Niabot og dul-an 10 ka oras ang pakigkumbati sa mga kabomberohan sa niulbong sunod sa residential area sa Tondo, Manila.
Basi sa impormasyon nga nagsugod ang sunog alas 8:27 sa gabii sa Building 7, Helping Compound, Road 10, Tondo, Manila ug daling giisa gikan sa first alarm ngadto sa Task Force Bravo mga alas 10:53 sa gabii.
Gideklarar nga under control ang sunog alas 2:46 sa kaadlawon ug hingpit nga napawong alas 6:02 sa buntag ning adlaw sa dominggo, Setyembre 14, 2025.
Gibanabana nga mokabat sa P1.5 milyones ang danyos, diin upat ka edipisyo ang nasunog ug dul-an sa 500 ka pamilya o anaa sa 1,000 ka residente ang apektado.
Ingon man nga adunay tulo ka mga tawo ang nasamdan apan walay gikataho nga namatay.
Mikabat usab sa 59 ka mga fire truck ang nirespondi sa maong dakong sunog gikan sa BFP, volunteer groups, ug LGU, uban ang duha ka ambulansya nga mitabang sa mga naangol.
Gituohan nga nagsugod ang pag-ulbo sa sunog sa ikaduhang andana sa usa ka balay nga gipanag-iya ni “Pandoy,” ug sa pagkakaron, padayon ang tabang sa lokal nga kagamhanan sa mga naapektuhan samtang ang BFP nagpadayon sa ilang imbestigasyon sa hinungdan sa insidente.
